Брифинг

Атмосфераға ластандырғыш заттардың бөлінуі 26 пайызға төмендеді

16 ақпан 2017

Орталық коммуникациялар қызметінде Қазақстан Республикасы Энергетика министрлігінің 2016 жылы атқарылған жұмыстары бойынша өтетін коллегия аясындағы баспасөз мәслихаты «сұрақ-жауап» тәртібінде өтті.

Энергетика вице-министрі Ғани Қалыбекұлы Сәдібековтің айтуынша, соңғы уақытта атмосфераға ластандырғыш заттардың бөлінуінің төмендегені байқалады.

«Бұл жаңа жасыл технологияны және тазартқыш ғимараттарды пайдаланудың, табиғатты пайдалауншыларға деген талаптың күшеюінің, сондай-ақ, отынның экологиялық таза түріне көшуінің нәтижесінде қол жетіп отыр. Бүгінгі таңда Қазақстанда рұқсат етілген атмосфераға ластандырғыш заттардың бөліну лимиті 5 млн-ды құрайды. Бірақ табиғатты пайдаланушылар аталған лимиттің 50% ғана пайдалануда. Бұл жақсы көрсеткіш болып табылады»,-деді спикер.

«Былтырғы жылы өндірістік қалдықтарды жарату 26%-ға төмендеген. Қазіргі таңда мекеме алдында қалдықтардың жағымсыз әсерін барынша төмендету міндеті тұр. Қазақстанда «Жасыл» экономикаға көшу Концепциясы жүзеге асырылуда. Әрине, ірі тау-кен металлургия комбинатының салдарынан жиналған қоқыстардың қалдық қоймалары үлесінде. Қазіргі таңда Экологиялық заңнама табиғатты пайдаланушылар алдында қоқыстарды залалсыздандыру және пайдалану бойынша қатаң талаптар қойып отыр»,-деді Ғани Қалыбайұлы.

Сондай-ақ, вице-министр бірқатар шаралар бағлдарламасының әзірленгенін жеткізді. Аталған бағытта жұмыстар жүргізілуде және ҚР Энергетика министрлігінің қатаң бақылауында.

+7 (7172) 559-338

Астана қ., Қонаев көшесі 4,
13 қабат