Вы зашли с мобильного устройства. Перейти на мобильную версию сайта?
info@ortcom.kz
+7 (7172) 55-93-38
Тел./факс: +7 (7172) 55-93-36 Кеңсе
kense@ortcom.kz
Валюта бағамы:
RUB 5,24 EUR 361,78 USD 340,24
Мұнай:
Brent $47,24 WTI $46,06
Золото:
$1189,7
Ауа райы:
Астана .. Алматы .. Ақтау .. Ақтөбе .. Атырау .. Жезқазған .. Караганды .. Көкшетау .. Қостанай .. Қызылорда .. Павлодар .. Петропавл .. Семей .. Талдықорган .. Тараз .. Өскемен .. Орал .. Шымкент ..
 

Жамбыл облысында биыл 6 мыңнан астам оқушы ҰБТ тапсырады

12 мамыр 2016
Фото: www.news.caravan.kz

Бүгін Өңірлік коммуникациялар қызметінде Жамбыл облысы әкімдігі білім басқармасы басшысының орынбасары Бекбатырова Жәмилә Елеуқызының қатысуымен ҰБТ-ға дайындық барысы жайында брифинг өтті.

Брифинг барысында ҰБТ-ға байланысты жан-жақты және жүйелі дайындық жұмыстарының жыл бойы жүргізілгендігі айтылды.

Жәмилә Бекбатырованың айтуынша, 2015-2016 оқу жылында облыстағы 316 жалпы білім беретін орта мектепті 8561 оқушы бітіргелі отыр. Оның ішінде 7985 оқушы күндізгі мектепті, 571 оқушы кешкі мектепті бітірсе, 3077–і қала мектептерін, 5484-і ауыл мектептерін бітіреді. Бітірушілердің 6291-і қазақ тілінде, 2245-і орыс тілінде, 25-і өзбек тілінде оқығандар.

«2016 жылғы ҰБТ-ға қатысуға 6065 (70,85%) мектеп бітіруші өтініш берген. Оның 6064-і күндізгі мектеп бітірушілер, 1-і кешкі мектеп түлегі, 5027-сі (82,8%) қазақ тілінде, 1038-і (17,2%) орыс тілінде тест тапсырады», – деді спикер.

Оның айтуынша, облыстағы 10 ҰБТ өткізу пунктінде мемлекеттік комиссия құрылып, бекітілген. 2016 жылғы ұлттық бірыңғай тестілеуді тиімді ұйымдастыру мен өткізу үшін ҰБТ-ны ұйымдастыру мен өткізу жөніндегі мемлекеттік комиссия ұйымдастыру-басқару жұмыстарын дұрыс жүргізіп, ҰБТ-ны өткізу технологиясының бұзылуына жол бермеуіне жан-жақты дайындық жұмыстарын жүргізуде.

«2016 жылғы ұлттық бірыңғай тестілеуді өткізуде өзгерістер енгізілгенін хабарлап, шекті денгейден өтпей қалған мектеп бітірушілерге 2-ші рет тест тапсыруға рұқсат беріледі. 2-ші рет тапсыратын тест ақылы болады, оның бағасы 2242 тенге. Ал «2» алған мектеп бітірушілерге және ҰБТ-да алған балдарының нәтижесін жақсарту мақсатында тестті қайта тапсыруға рұқсат берілмейді», – деп қорытындылады Ж. Бекбатырова.

Еске салатын жайт, Ұлттық бірыңғай тестілеу облыста 10 ұлттық бірыңғай тестілеуді өткізу пункттерінде ағымдағы жылдың 2-15 маусым аралығында өткізіледі. 2016 жылы Ұлттық бірыңғай тестілеудің форматы өзгермейді.


Материалды толықтай немесе бір бөлігін пайдаланған жағдайда бірінші абзацта ortcom.kz порталына гиперсілтемені міндетті түрде кою қажет.
 
 
 
 
2015 © ҚР Ақпарат және коммуникациялар министрлігінің «Орталық коммуникациялар қызметі» РММ