Вы зашли с мобильного устройства. Перейти на мобильную версию сайта?
info@ortcom.kz
+7 (7172) 55-93-38
Тел./факс: +7 (7172) 55-93-36 Кеңсе
kense@ortcom.kz
Валюта бағамы:
RUB 5,56 EUR 342,43 USD 321,95
Мұнай:
Brent $55,59 WTI $52,93
Золото:
$1228,4
Ауа райы:
Астана .. Алматы .. Ақтау .. Ақтөбе .. Атырау .. Жезқазған .. Караганды .. Көкшетау .. Қостанай .. Қызылорда .. Павлодар .. Петропавл .. Семей .. Талдықорган .. Тараз .. Өскемен .. Орал .. Шымкент ..
 

Мемлекеттік функцияларды өзін-өзі реттеу ұйымдарына беру отандық тауарлар сапасын арттырады – Ғ.Жолдыбаева

27 мамыр 2016
Мемлекеттік функцияларды өзін-өзі реттеу ұйымдарына беру отандық тауарлар сапасын арттырады – Ғ.Жолдыбаева

Мемлекеттік функцияларды өзін-өзі реттеу ұйымдарына беру арқылы отандық тауарлар, жұмыстар мен көрсетілетін қызметтер сапасын арттыру, сондай-ақ нарық қатысушыларының тұтынушылар алдында жауапкершілігін күшейту көзделіп отыр. Бұл туралы бүгін ОКҚ-інде өткен брифинг барысында ҚР Ұлттық экономика министрлігі Кәсіпкерлікті дамыту департаментінің директоры Ғалия Жолдыбаева мәлім етті.

«Ұлт жоспары – 100 нақты қадамның» 97-ші қадамын іске асыру мақсатында қабылданған «Өзін-өзі реттеу туралы» Заң ауыртпалығы төмен және әлдеқайда тиімді бақылау нысанын енгізуге, мемлекеттік реттеудің келеңсіз аспектілерін жоюға, отандық тауарлар, жұмыстар мен көрсетілетін қызметтер сапасын арттыруға, сондай-ақ нарық қатысушыларының тұтынушылар алдында жауапкершілігін күшейтуге мүмкіндік береді», - деп атап өтті департамент директоры.

Сондай-ақ ол өзін-өзі реттеу – жеке және заңды тұлғалардың өз қызметін өз бетінше реттеуге бағытталған шаралар кешені екенін атап өтті.

«Заңмен ерікті және міндетті мүшелікке негізделген өзін-өзі реттеудің екі түрі анықталатынын атап кеткен жөн. Ерікті өзін-өзі реттеу мемлекеттік реттеумен бірге әрекет етіп, өзін-өзі реттеу субъектілеріне және олардың қызметіне заңнамамен белгіленген талаптардан жоғары талап орнатады. Ал міндетті өзін-өзі реттеу салалық заңдармен енгізіледі және мемлекеттік функцияларды іске асырумен немесе мемлекеттік органдармен орындалатын белгілі бір функцияларды бөлу қажеттілігімен байланысты», - деді Ғ.Жолдыбаева.

Сонымен қоса, аталған функцияларды тапсыру нарықтың оған дайын болуына байланысты. Осы мақсатта міндетті өзін-өзі реттеуді енгізу қажеттілігін қамтамасыз ету үшін мемлекеттік органдармен міндетті түрде реттеушілік әсерге талдау жүргізу ескеріледі.


Материалды толықтай немесе бір бөлігін пайдаланған жағдайда бірінші абзацта ortcom.kz порталына гиперсілтемені міндетті түрде кою қажет.
 
 
 
 
2015 © ҚР Ақпарат және коммуникациялар министрлігінің «Орталық коммуникациялар қызметі» РММ