Брифинг

Шетелге саяхат сатып аларда туркодты талап етіңіз

26 желтоқсан 2016

Еліміздегі кейбір жауапсыз туроператорлардың кесірінен көптеген туристердің 2014-2015 жылдары елге қайтып келе алмай, шетелде уақытша қалып қойған деректері тіркелген болатын. «Сондай жағдайларды болдырмас үшін туристер шетелге шығуды «Туристік Қамқор» Корпоративтік қорына мүше болып табылатын тур операторлардың көмегіне сүйене отырып асыруды кеңес етеміз»,- деп Орталық коммуникациялар қызметі алаңында ҚР азаматтарының құқығын кепілдендіру Жүйесінің негізгі ережелерін түсіндіруге арналған брифингте ҚР ИДМ Индустрия және туризм департаменті төрағасының орынбасары Темірғали Тырмышев мәлім етті.

Шетелге шыққалы тұрған азаматтардың елге дін аман оралуына ендігі кезеңде Қазақстанның туристік агенттіктер қауымдастығының қолдауымен құрылған «Туристік Қамқор» Корпоративтік қоры кепіл бола алады. Тек ең бастысы – шетелге саяхатты сатып алғанда туроператордан туркод талап ету керек. Оның жарамдылығын www.fondhamkor.kz сайтынан тексеруге болады.

+7 (7172) 559-338

Астана қ., Қонаев көшесі 4,
13 қабат