«Дүниежүзілік денсаулық сақтау ұйымының қолдауымен 2021 жыл халықаралық медициналық-санитарлық және әлеуметтік қызметкерлер жылы болып жарияланды. Мұндай шешіммен ДДСҰ COVID-19 пандемиясымен күресте олардың адалдықтарына құрмет көрсетуге шақырады», - деді министр.
Брифингте сөз сөйлеген Денсаулық сақтау министрлігінің басшысы барлық қазақстандықтарды өз денсаулығын сақтау үшін ортақ жауапкершілік танытуға және тіркелген жері бойынша емханаларда вакцинациядан өтуге шақырды.
«ДДСҰ-ның «Қорғау. Көмектесу. Күш-жігерді біріктіру» үндеуі бәрімізге ортақ болады. Вакцинация - вирустың таралуын азайтудың жалғыз жолы! Вакцинацияға қарсы көрсетілімдері жоқ әрбір қазақстандықты бас тартпауға және екпе алуға шақырамын. Тек осылай ғана біз аз ғана шектеулермен біртіндеп өмірге орала аламыз», - деді А. Цой.