ҚР Президенті жанындағы Орталық коммуникациялар қызметінің алаңында онлайн-баспасөз конференциясы өтті. Шара барысында ҚР Ақпарат және қоғамдық даму министрі Дәурен Абаев коронавирусты инфекцияның қазіргі жағдайы туралы хабардар етті.
Спикер атап өткендей, Мемлекет басшысының тапсырмасына сәйкес Ақпарат және қоғамдық даму министрлігі елімізде коронавирустық инфекцияның таралуының алдын алу бойынша Мемлекеттік комиссияның, Үкіметтің, орталық мемлекеттік органдардың қабылданып жатқан шаралары туралы азаматтарды күнделікті негізде хабардар ететін болады.
Қазіргі уақытта елімізде коронавирусты жұқтырудың 62 жағдайы тіркелген: Алматы қаласында – 26 жағдай, Нұр-Сұлтан қаласында – 32 жағдай, Қарағандыда – 2 жағдай және Алматы, Ақтөбе облыстарында бір-бірден.
Спикер төтенше жағдай режимін қамтамасыз ету жөніндегі мемлекеттік комиссияның отырысында Мемлекет басшысының Үкімет алдына қойған міндеттеріне ерекше назар аударды. Президенттің тапсырмасы бойынша республикалық бюджетке 352 млрд.теңге деңгейінде күтілетін қаржының түспеуіне қарамастан, мемлекет салық жеңілдіктерін есептемегенде, дағдарыс жағдайына қарсы күреске бюджеттен 10 млрд.доллар бөледі. Ұлттық қордың қаражаты жұмсалмайды.
Бұдан басқа, Мемлекет басшысы жұмыссыздықтың өсуіне жол бермеу, карантиндік аймақтан туған жерлерге оралған жастарды жұмысқа орналастыру бойынша шараларды белгіледі. Сондай-ақ, эпидемияға байланысты табыстан айырылған отбасыларға ең төменгі жалақы мөлшерінде ай сайынғы төлемдерді қамтамасыз ету тапсырылды. Көп балалы отбасыларға, мүгедектерге және халықтың әлеуметтік осал топтарының басқа топтарына тегін азық-түлік, тұрмыстық жиынтық ұсынылады. Тағы бір қолдау шарасы-бүкіл республика бойынша дағдарысты кезеңге коммуналдық қызметтерді төмендету.
ШОБ-ты қолдау бөлігінде барлық кредиттер бойынша негізгі борыш пен сыйақы сомаларын төлеу тоқтатыла тұрады, айыппұлдар мен өсімпұл есептемей, салықтардың және басқа да міндетті төлемдердің барлық түрлерін 3 ай мерзімге төлеу бойынша кейінге қалдыру енгізіледі.
Халықтың қауіпсіздігін қамтамасыз ету бойынша бас санитарлық дәрігердің қаулысына сәйкес коронавирус жағдайы қолайсыз елдерден келетін барлық жолаушылар (1А елдерінің санаты: Франция, Иран, Италия, Испания, Германия) 14 күнде карантинге орналастырылады және "COVID 19" тестін тапсырады. Әлемнің басқа елдерінен келген азаматтар коронавирусқа талдау жасау үшін карантиндік стационарда 1 тәулікке оқшауланады. Тіпті теріс нәтиже болған жағдайда да олар 13 тәулікке үйде оқшаулауға жатады.
Ауысып келе жатқан жолаушыларды анықтауға ерекше назар аударылатын болады. Олар сондай-ақ барлық қажетті талдауларды тапсырумен карантинге алынады. Қазақстан аумағында Транзиттік рейсті отырғызу кезінде жолаушылар ұшақтың бортын тастап кетпейді.
ҚР Ақпарат және қоғамдық даму министрі Д. Абаев карантиндік нормаларды, сондай-ақ төтенше жағдай режимін сақтау мәселесіне егжей-тегжейлі тоқталды. Д.Абаевтың ақпараты бойынша бүгінгі таңда құқық қорғау органдары қылмыстық кодекстің 304 бабы "санитарлық ережелерді немесе гигиеналық нормативтерді бұзу" бойынша 3 жағдайды сотқа дейінгі тергеп-тексеру жұмыстарын бастады, сондай-ақ 143 тұлғаға қатысты әкімшілік құқық бұзушылық туралы кодекстің 476 бабы бойынша әкімшілік іс қозғалды.
БАҚ-тан келіп түскен сұрақтарға жауап бере отырып, спикер келесі мәселелер туралы хабардар етті:
- бүгін елімізде коронавирусқа 60 мың тест бар. Тағы 100 мың тест демеушілер есебінен сатып алынады. ҚХР өндірісінің осы тест-жүйелері коронавирустық инфекцияның оң жағдайларын тиімді анықтауға мүмкіндік береді. Сонымен қатар, зертханалық бақылау үшін Дүниежүзілік денсаулық сақтау ұйымы ұсынған праймерлер пайдаланылады.
- ТЖ режимін ұзарту ықтималдығы қазіргі уақытта анықталмаған. Жаңа жағдайларды тіркеу шыңы сәуір айында жетеді деп күтілуде, одан кейін жаңа жұқтырғандар саны құлдырайды.
- ТЖ жарияланған сәттен бастап 5 мыңнан астам турист қайтарылып, "Туристік Қамқор" қорымен бірлесіп тағы 145 туристерді қайтару жоспарлануда. Сонымен қатар, шетелде 59 адам қалып отыр, олар түрлі себептермен Қордың қолдауын пайдаланбауды шешті. Бұл адамдар бойынша жеке жұмыс жүргізіледі. Бүгінде олардың келуі, қоректенуі, тасымалдануы, анализдер тапсыру және диагностика қамтамасыз етіледі.
- бүгінгі күні барлық өндірілетін маскалардың тәуліктік көлемі 604 мың дананы құрайды. Нұр-Сұлтан және Алматы қалаларында тәуекел топтарына арналған маскалар тегін беріледі.
- ел бойынша барлығы 27 мың төсекке дайындық қамтамасыз етілді. Астанада жүктелім 25% -дан аспады, Алматыда 12% - дан кем. -карантин режимі бар қалаларда (Нұр-Сұлтан қ., Алматы қ.) орналасқан сауда-ойын сауық орталықтары жұмыс істемейді. Қалған барлық қалаларда санитарлық талаптарды сақтай отырып, оларға сағат 18.00-ге дейін жұмыс істеуге рұқсат етіледі. Бұл ретте, ойын-сауық бөлігі ОСО жабық болады.
Сөз соңында ҚР Ақпарат және қоғамдық даму министрі Д. Абаев бірқатар сауалдар мемлекеттік органдардың өңдеуінде тұрғанын, оларға жауаптары дайын болуына қарай айтылатын болатынын атап өтті.
ҚР Ақпарат және қоғамдық даму министрі Д.Абаевтың Қазақстандағы коронавирус жағдайы бойынша келесі мәлімдемесі 24 наурызда сағат 18:00-де жарияланады.
