Top.Mail.Ru

ҚР Президенті жанындағы Орталық коммуникациялар қызметінің алаңында ҚР Мәдениет және спорт министрлігі Туризм индустриясы комитеті төрағасының м.а. Дастан Рыспеков қазақстандық туристерді шетелден қайтару үшін қолға алынған шаралар туралы, сондай-ақ пайдаланылмаған туристік жолдамалар үшін қаражатты қайтару туралы айтып берді.

Дастан Рыспековтың ақпараты бойынша, 2020 жылғы 18 наурыздағы жағдай бойынша туроператорлар арқылы кеткен қазақстандық туристердің саны 5 914 адамды құрады.

Негізгі саны: Египет – 2652; Біріккен Араб Әмірліктері – 1391; Таиланд – 404; Үндістан – 490; Мальдивы – 254; Шри-Ланка – 231; Вьетнам – 140; Доминикан Республикасы – 115; Түркия – 83; Чехия - 47; Малайзия – 50; Куба – 10; басқа елдер – 37. 18 наурыздан 23 наурызға дейін 3840 адамды шығару бойынша 19 рейс қарастырылған. 21 наурыздағы жағдай бойынша 14 чартерлік рейс ұйымдастырылып, онда 2 818 адам шығарылды. Қалған 5 рейсті 1022 турист жеткізеді, оның ішінде Қазақстанның 733 азаматы 4 чартерлік рейске 21 наурызда келеді деп күтілуде. 379 азаматтың қайтарылуы қаралуда, оның 319-ы 23 наурызға дейін Ресей арқылы транзитпен қайтарылады.

Сонымен қатар, тұрақты рейстермен 1695 адам қайтып келді. Д.Рыспековтың айтуынша, шетелдік азаматтардың, соның ішінде қазақстандықтардың Ресей Федерациясының аумағына кіруіне тыйым салу мәселесі орын алған. Осыған байланысты, Қазақстанның 55 азаматы Ресей әуежайларына 19-20 наурыз аралығында ұшып келген транзиттік аймақта тұрып, одан әрі Қазақстанға шыға алмады. Алайда, бұл мәселені ел басшылығы шешті.

Спикер әр елден Ресей арқылы транзитпен келетін топтарды жасақтауға байланысты, ұшақты тиімді пайдалану үшін Министрлік жасақтауды күту кезінде азаматтардың жайлылығы мен қолайлылығына 100% кепілдік бере алмайтынын айтты. Барлық рейстерді ҚР Үкіметі "Туристік Қамқор" қорының қаражаты есебінен ұйымдастырды.

Туристік жолдамалар үшін ақша қаражатын қайтаруға қатысты спикер Қазақстандағы жолдамаларды сату жүйесі 4 негізгі қатысушыдан тұрады: туроператор, турагент, авиакомпания, халықаралық қонақ үй екенін атап өтті. Туроператор – әуе компаниялары мен халықаралық қонақ үйлерді біріктіреді. Бұл турөнім бар, ол турагенттер арқылы жүзеге асырылады. Туристік қызмет туралы Заңның 15-бабына сәйкес қызмет алушылар алдындағы барлық міндеттемелер бойынша туроператор жауапты болады және нақты келтірілген шығындарды шегере отырып, қаражаттың қайтарылуын қамтамасыз етеді.

"Сонымен қатар, елде және әлемде қалыптасқан жағдай, сіз барлық стандарттан тыс түсінетіндігіңізді атап өткім келеді. Бір сәтте шетелдіктердің елге кіруін шектейтін режимдер енгізілді және авиарейстердің үлкен саны жойылды. Біздің еліміз де ерекше болды. Соның салдарынан азаматтардың белгілі бір саны дерлік өз жолдамаларын тапсырып, ақша алғысы келеді. Туроператорларда осы сұраныстарды қанағаттандыруға ақша массасы жетіспейді, себебі авиакомпаниялар мен отельдермен жасалған өз келісімдері шеңберінде тиісті алдын ала төлем жасалынып, ұйымдастырушылық сипаттағы өзге де шығындар жұмсалған, ең маңыздысы – туроператор осы қонақ үйлер мен авиакомпаниялар алдында айыппұл міндеттемелерін мойнына алады", - деп ерекше атап өтті Д. Рыспеков.

Осы қаражатты қайтару үшін процестің барлық қатысушыларымен келіссөздер жүргізуге, сондай-ақ заңдық рәсімдерді шешуге уақыт қажет. Жолдаманы тапсырған азаматтар өз турагенттерімен және туроператорлармен байланыста болу керек. Сонымен қатар, комитет төрағасының м.а. айтуынша, туроператорлар өз тарапынан жағдайдан шығудың түрлі нұсқаларын ұсынады. Олардың арасында демалыс күндерін ауыстыру мүмкіндігі бар.

Барлық брифингтер туралы білгіңіз келеді ме?
Бізге жазылыңыз канал в Telegram!