Жастар корпусын дамыту жобасы арқылы 1 миллион теңге грант беріліп, жастардың одан әрі кәсіпкерлікпен айналысуы үшін мүмкіндіктер жасалуда.
«Гранттық конкурсқа қатысу үшін жастар өздерінің бір идеяларын әлеуметтік жоба ретінде ұсынады. Әлеуметтік жоба дегеніміз – жастардың ұсынып отырған жұмысы жергілікті қоғамдастыққа пайдасын тигізу. Жастар өз өтінімдерін zhasproject.kz сайтына 15 наурыз бен 15 сәуір аралығында тіркейді де, 3 кезеңдік іріктеуден өтіп, 1 миллион теңге грантқа ие болады. Содан соң 6 ай бойы өз жұмыстарын жүзеге асырады», - деп мәлімдеді Жобаларды басқару тобының жетекшісі Гүлмира ЕСКЕНДІРОВА.
Осылайша, жастар өздерінің идеясын жоба ретінде ұсынып, 6 ай бойы жергілікті халыққа тегін қызмет көрсетеді.
«Мысалы жастар бірігіп, аз дегенде 3, көп дегенде 5 жас болып бірігіп, бір топқа жиналады, жобаларын жүзеге асырады. Нәтижиесінде 6 ай бойы жасаған жұмыстарын тегін атқарады. Шағын тігін шеберханасын ашып, 6 ай бойы жасаған заттарының барлығын жергілікті қауымдасытыққа тегін таратады. Ағылшын тілін үйрету курстары болса, 6 ай бойы ағылшын тілінен тегін үйретеді», - деді ол.
Ұйымдастырушылардың айтуынша, 6 айдан кейін олар жобаға қажетті барлық алған заттарын, құралдарын өздеріне қалдырып, кейін өз кәсіптерін мүмкіндіктері болады.
Тегін жұмыс жасағандары үшін жастар 40-60 мың теңге мөлшерінде ай сайын шәкіртақы алады.
Жобаның мақсаты - жастарды қоғам өміріне тарту, яғни әлеуметтің игілігі жолында қоғамдық пайдалы қызмет дағдыларына оқыту арқылы өмірлік маңызы бар дағдыларды қалыптастыру.
