Жаңалықтар

Ақтөбе облысының 2016 жылғы бюджеті 178,8 млрд. теңгені құрады - Б. Сапарбаев

15 маусым 2016

Ақтөбе облысының 2016 жылға арналған бюджеті 178,8 млрд. теңгені құрады. Бұл туралы ҚР Премьер-Министрі Кәрім Мәсімовтің төрағалығымен өткен облыстың әлеуметтік-экономикалық даму мәселелеріне арналған кеңес барысында Ақтөбе облысының әкімі Бердібек Сапарбаев мәлім етті.

Б.Сапарбаев сонымен қатар 2016 жылдың басынан бері бюджеттің кіріс бөлігінің атқарылуы 113,3% құрағанын атап өтті, бұл 37,4 млрд. теңгеге тең. Бұдан бөлек, оның айтуынша, бюджеттің шығыс бөлігінің атқарылуы 60,5 млрд. теңгені немесе жоспардың 98,5% құрады.

Кеңес барысында Ақтөбе облысының әлеуметтік-экономикалық дамуына қатысты бірқатар мәселелер қаралды.

Жиын кезінде Қазақстан экономикасына сыртқы жағымсыз факторлардың ықпал етуіне қарамастан, ең перспективалы салаларды, оның ішінде Ақтөбе облысындағы салаларды қолдауға баса көңіл бөлу қажеттігі атап өтілді.

+7 (7172) 559-338

Астана қ., Қонаев көшесі 4,
13 қабат