Жаңалықтар

Асқар Мырзахметов: «Жер кодексінің әр бабын оның нақты іске асырылуы тұрғысынан қарастыру керек»

2 шілде 2016

Жер кодексінің әрбір бабын оның нақты іске асырылуы тұрғысынан қарастыру керек. Бұл туралы Қызылорда облысы Сырдария ауданы Нағи Ілиясов ауылында өтіп жатқан Жер реформасы жөніндегі комиссияның көшпелі отырысын ашқан ҚР Премьер-Министрінің орынбасары – ауыл шаруашылығы министрі Асқар Мырзахметов айтты.

Оның айтуынша, Комиссия мүшелері бұл мәселеде белсенділік танытқандары жөн.

«Бүгін біздің алдымызда үлкен міндеттер тұр. Аталған заңнаманың тиімділігін қарастырғанда оның экономика мен халықтың әл-ауқатына ықпалын ескеруіміз қажет. Бүгінгі отырысқа дейін біз комиссияның негізгі бағыттарын қарастырып, жұмыс істейтін бағыттарды айқындадық», - деді Асқар Мырзахметов.

Еске салайық, Мемлекет басшысы Нұрсұлтан Назарбаев ҚР Жер кодексіне енгізілетін өзгерістерге мораторий жариялап, құрылған комиссияға мемлекеттік органдармен, қоғамдық ұйымдармен бірлесе отырып аталған мәселені талқылап, қорытындысын шығарып, өз ұсыныстарына Парламентке білдіруді тапсырды.

+7 (7172) 559-338

Астана қ., Қонаев көшесі 4,
13 қабат