Жаңалықтар

Жері құнарлы Жетісу жерімен жұмыс істеу үшін реформа керек – Б.Сағынтаев

18 маусым 2016

Жері құнарлы Жетісудің шұрайлы жерлерімен жұмыс істеу керек, ол үшін реформа керек. Бұл туралы бүгін Жер реформасы жөніндегі комиссияның Алматы облысында өткен көшпелі отырысында ҚР Премьер-Министрінің бірінші орынбасары Бақытжан Сағынтаев айтты.

«Жетісу жерінің табиғаты - жанға жайлы, жері - құнарлы. Осындай шұрайлы жерлермен жұмыс істеу керек, осындай жерлермен шаруаны дөңгелетіп алып кетіп үшін реформа керек. Бүгін өздеріңізбен тағы осы бағытта ашық пікірталас өткізіп, Алматы облысы шаруаларының ой-пікірлері мен ұсыныстарын тыңдағымыз келіп отыр», - деді көшпелі отырысты ашқан ҚР Премьер-Министрінің бірінші орынбасары Б.Сағынтаев.

Сондай-ақ ол жер туралы сайт жұмыс істеп жатқанын, оған ұсыныстар келіп түсіп жатқанын тағы еске салып өтті.

«Біздің штаб ұсыныстарды жүйеге келтіріп, жұмыс жүргізіп жатыр. Бүгінгі селекторлық отырысқа облыстың бүкіл аудандары қосылып жатыр. Осының бәрін ұйымдастыруға септігін тигізген облыс әкімі Амандық Батталовқа рахмет», - деп өңір басшысына алғысын білдірді Б.Сағынтаев.

+7 (7172) 559-338

Астана қ., Қонаев көшесі 4,
13 қабат