Жыл сайын газдандыруға бөлінетін қаражат көлемі ұлғаюда. Бұл туралы Орталық коммуникациялар қызметінде өткен баспасөз маслихатында ҚР энергетика министрі Қанат Бозымбаев айтты.
«Елімізде газдандыру деңгейі 49,7%-ға пайызға жетті, газды шамамен 9 миллион адам тұтынуда», - деп мәлімдеді Қанат Бозымбаев.
Сонымен қатар, еліміздің 13 өңірінде осы кезеңде 100-ден астам жоба іске асырылатын да айтып өтті.
«Елбасы тапсырмаларын іске асыру шеңберінде газдандыру жобалары 1 млн астам тұрғынды газбен қамтамасыз етуге мүмкіндік береді», - деді ол.
Айта кетсек, 2019-2021 жылдар кезеңінде газдандыруға арналған қаражат өңірлерді дамыту, «Нұрлы жер», сондай-ақ, ағымдағы жылғы 27 ақпанда «Нұр Отан» партиясының XVIII съезінде берілген Елбасының жеке тапсырмаларының шеңберінде бағдарламаларда көзделген.