Дәрілік заттар мен медициналық бұйымдардың сапасы мен қауіпсіздігін қамтамасыз ету үшін заңды өндірушілер мен дистрибьюторлар үшін 2021 жылғы қаңтардан бастап, ал бөлшек желі үшін 2023 жылғы қаңтардан бастап тиісті фармацевтикалық практикалардың халықаралық стандарттарын енгізу көзделген.
«Сапалы, қауіпсіз және тиімді дәрілік заттар мен медициналық бұйымдарды оңтайлы пайдалануды қамтамасыз ету үшін, фармацевтикалық компаниялардың мүдделерін көздеуді болдырмау және дәрілік заттар туралы шынайы ақпаратты ұсыну мақсатында заң шеңберінде дәрілік заттар мен медициналық бұйымдарды оңтайлы пайдалану және этикалық ілгерілету бойынша нормалар әзірленді», - деп атап өтті ҚР Денсаулық сақтау министрлігі Фармация комитетінің төрағасы Людмила Бюрабекова.
Сонымен қатар, дәрілерді сатып алу процесінің ашықтығын қамтамасыз ету, сатып алу рәсімдерін жеңілдету және әкімшілік кедергілерді төмендету, әлеуетті өнім берушілермен жеке байланысты болдырмау үшін ҚР Қаржы министрлігінің сатып алу порталын пайдалана отырып, дәрілерді электрондық сатып алуға көшу көзделген.
