Ағымдағы динамиканы ескере отырып, тұрақты дамудың барлық 17 мақсатына жету үшін көп күш жұмсау керек. Бұл туралы БҰҰ Бас хатшысының орынбасары Армида Салсия Астана экономикалық форумы аясында өткен баспасөз маслихатында баяндады.
«Жетекші әлемдік ғалымдар мен сарапшылар осы аптада Астана экономикалық форумына жиналды. Олардың басым бөлігі 2030 жылға дейін Біріккен Ұлттар Ұйымының Тұрақты даму күн тәртібінде және ол Қазақстан мен Орталық Азиядағы экономикалық өсу мен әлеуметтік дамудың ұзақ мерзімді стратегияларын қалыптастыруға ықпал етуі тиіс. Халықаралық озық тәжірибелерді және практикалық шешімдерді қараған кезде, біз бір ұзақ мерзімді мақсатты ұмытпауымыз керек: Орталық Азия мен жалпы аймақ арасындағы экономикалық интеграцияны тереңдету. Бұл Тұрақты даму мақсаттарына жету жолындағы ілгерілеуді жеделдетудің негізгі құралдарының бірі. Экономиканы реформалау және жаңғырту, тұрақты дамуды қолдау және шетелдік тікелей инвестицияны тарту бойынша мол тәжірибесі бар Қазақстан осы қызметке елеулі үлес қоса алады», - деді БҰҰ Бас хатшысының орынбасары Армида Салсия.
Қолжетімді экологиялық таза энергияны қамтамасыз ету бойынша шаралар қабылданып жатқанын да айтып өтті.
«Ағымдағы динамиканы ескере отырып, тұрақты дамудың барлық 17 мақсатына жету үшін көп күш жұмсау керек. Бұл сондай-ақ, Орталық Азияға қатысты, онда гендерлік теңдік саласындағы жағдайды жақсарту, тұрақты қалалар мен қауымдастықтар құру және орнықты даму саласындағы 8-мақсатта көзделгендей, лайықты еңбек пен экономикалық өсуді қамтамасыз ету үшін шаралар қабылдау қажет. Аймақтық экономикалық интеграция осы қиындықтарды шешуде негізгі компонент болады», - деді БҰҰ Бас хатшысының орынбасары.
