20 маусымнан бастап еліміздің барлық кинотеатрларында «Я здесь» атты қазақстандық детективтік триллері көрсетіледі.

Кинотаспа шығарумен "Creative KZ" продакшн-компаниясы Ресейден келген серіктестермен бірге айналысқан.

«Түсірілім осы қыста Нұр-Сұлтанда өтті. Кинокартинаның әрекеті көрермендерді үйлену тойы қарсаңында тойдың басты қатысушысы - қалыңдық жоғалған елордалық қонақүйлердің біріне апарады. Бір қарағанда қалыпты жағдай, тергеушінің ойынша, той алдындағы қобалжуға байланысты пайда болуы мүмкін, бірақ түнгі уақытта қонақүй тұрғындарының тыныштығын бұзған күрделі мәселеге айналады», - деді «Я здесь» фильмінің авторы және режиссері Светлана Петричук.

Оның айтуынша, бұл кино қазақстандық киноиндустрияда ұсынылған детективтік жанрдағы бірінші фильм.

«Я здесь» - сізге таныс Агата Кристи кітаптарының сюжетімен ұқсас классикалық тарих емес. Қазір басқа детективтердің уақыты. Фильмнің негізгі идеясы канонға ұшырағанын жоққа шығармаймын, өйткені барлығымыз тергеу құпиясын және сюжеттің сәтсіз ағысын қамтитын әңгімелерді тындап өстік. Біздің картинамыз серпінді және фильмдегі жұмбақты шешуге 100 минут бөлінген», - деді Светлана Петричук.

Аталған фильмде театр және кино актерлері Әзиз Бейшеналиев, Шыңғыс Қапин, Айсұлу Әзімбаева, Мұрат Бисенбин, Газрет Ержанов, Анастасия Тарасова, Антон Дукравец, Михаил Токарев, Наталья Долматова, Айнұр Бермұхамбетова және т.б. жаңа кейіпкерлер ойнайды.