«Эпидемиологиялық жағдай матрицасына сәйкес Қазақстан Республикасы 23 күн бойы тәуекелдің жоғары аймағында, яғни қызыл аймақта тұр. Сонымен қатар, 10 өңір тәуекелі жоғары аймақта: Нұр-Сұлтан, Алматы және Шымкент қалалары, Атырау, Батыс Қазақстан, Ақмола, Қарағанды, Ақтөбе, Маңғыстау және Қызылорда облыстары», - деді Е.Қиясов.
Бүгінгі күні тәуекелдің орташа аймағында Жамбыл, Шығыс Қазақстан, Павлодар, Алматы облыстары орналасқан. Жасыл аймақта 3 аумақ: Түркістан, Солтүстік Қазақстан және Қостанай облыстары ғана бар.
