11 қаңтарда Парламентте сөйлеген сөзінде Мемлекет басшысы Қасым-Жомарт Тоқаев кейбір қазақстандықтар елдегі жағдайды пайдаланып, ақшаны республикадан тыс жерлерге асығыс шығара бастағанын айтты. Ол Агенттікке елден ақша шығарылмауы үшін «бұл жолды» анықтап, жабуды тапсырды. Елден ақша шығарған адамдар саны қанша, мөлшері қандай және 11 қаңтардан бастап қаржы реттеушісі қандай жұмыс атқарды? Орталық коммуникациялар қызметінде өткен брифингте осы жайлы сұрады. ҚР ҚНРДА қаржылық қызметтерді тұтынушылардың құқықтарын қорғау департаментінің директоры Александр Терентьев жауап берді.
«Президенттің капиталды елден заңсыз шығаруды бақылау және жолын кесу жөніндегі тапсырмасын орындау шеңберінде Ұлттық банктің, Қаржылық реттеу агенттігінің, Қаржы мониторингі агенттігінің халықаралық төлемдер мен ақша аударымдарының орындалуын бақылауды күшейту туралы бірлескен бұйрығы қабылданды. Осы тетік аясында біз әр операцияда күмәнді белгілердің болуын қараймыз. Бүгінгі таңда банк салымшылары үшін тәуекелдер жоқ және банк клиенттерінің барлық қаражаты толық сақталғанына назар аударғым келеді. «Банк құпиясы туралы» Заңды ескере отырып, бұл жұмыс толық көлемде жүргізілгеннен кейін толық ақпарат ұсынылады», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!