Халықты вакцинациямен барынша қамту үшін тиісті шаралар қабылданды. Бұл туралы Орталық коммуникациялар қызметінде өткен брифингте ҚР Денсаулық сақтау министрі Ажар Ғиният хабарлады.
Оның мәліметінше, тәулігіне орта есеппен 15 мың адам егілуде.
«Бүгінгі күні 1-компонентпен 9,5 млн адам, тиісті халықтың 83,3%-ы, жалпы халық санының 56%-ы, 2-компонентпен 9,2 млн адам, тиісті халықтың 81%-ы, жалпы халық санының 54%-ы вакцинацияланды, 4 млн адам ревакцинацияланды. Вакцинациялау және ревакцинациялау инфекциядан қорғанатын жалғыз жол болып қала береді», - деді еліміздің бас дәрігері.