Ұлы Дала рухы: Қазақстан бойынша ат спорты марафонына 100 шабандоз аттанады. Алғашқы ауқымды республикалық «Ұлы Дала Жорығы» бәйгесі еліміздің алты облысын – Нұр-Сұлтан қаласын, Ақмола, Қарағанды, Ұлытау, Қызылорда және Түркістан облыстарын қамтиды. Бағыттың жалпы ұзындығы 1200 шақырымды құрайды.
Командалардың тұсаукесері 17 қыркүйекте өтеді, 18-ші марафон Нұр-Сұлтанда басталып, 29-ы күні Түркістанда аяқталады. Сонымен қатар, ол әрқайсысы 100 шақырымға созылатын жолдан (дала, шөл, өзен) өтетін 12 учаскеге бөлінген. Бәйгеге еліміздің әр өңірінен бір команда қатысады.
Қарағанды облысына жарысқа қатысушылар 20 қыркүйекте келеді. Тұрақ Нұра ауданының Баршын ауылының маңында орнатылады. Ал 21 қыркүйекте Шұбаркөл көмір кеніші аумағында орналасады.
Түркістанға қысқа уақыт ішінде келген команда "Ұлы Дала Батыры" атағымен марапатталып, 30 млн теңге жүлде алады. 2 орын иегерлері 20 млн теңге алады. Үшіншісі – 15 млн теңге.
Марафон-бәйге ұйымдастырушысы – The Great Steppe Tour және Altyn Qyran Foundation қоғамдық қорлары. Үйлестіруші – ҚР Мәдениет және спорт министрлігі.
Марафон кезінде барлық қатысушылар жабдықталған демалыс орындарымен, тамақпен және қажетті медициналық көмекпен қамтамасыз етіледі, дейді ұйымдастырушылар.
"Бірегей марафон қатысушылар мен көрермендерге Ұлы дала рухымен сусындауға, түркілердің киелі орындары – Жошы хан, Алаша хан кесенелеріне, Қазақ хандығының алғашқы астанасы Созақ пен Түркі руханиятының бесігіне, "Екі әлемнің қалалары" Түркістан мен Әзірет Сұлтан кесенесіне баруға мүмкіндік береді", – деп хабарлады жоба авторлары.
