ҚР Қорғаныс министрлігі аппарат басшысының орынбасары полковник Төлеген Бөлежановтың айтуынша, бұл фестивальге Қазақстанның атынан 3 ұжым қатысады. Бұл ҚР Қарулы Күштерінің Орталық әскери оркестрі, Мемлекеттік күзет қызметінің Президенттік оркестрі және Ұлттық ұланның үлгілі-көрсетілімді оркестрі.
«Бүгінгі таңда музыканттарымыздың дайындық деңгейі өте жоғары. Біз үнемі халықаралық фестивальдерге қатысамыз. Бұл Қазақстанның Қарулы Күштері үшін жылдың ең ауқымды мәдени шарасы», – деді Т. Бөлежанов.
Оның айтуынша, фестивальді өткізу үшін елорданың ең көрікті жерлері таңдалып, қонақтар назарына бай мәдени, ойын-сауық бағдарламасы ұсынылады.
Әрбір оркестрдің репертуарында қазақ композиторларының екі шығармасы бар.
