Жамбыл облысының өндірушілері елдің тұрақтандыру қорларына 8,8 мың тонна пияз жеткізетін болады. Таразда өткен ауыл шаруашылығы жәрмеңкесінің қорытындысы бойынша өңірлік ӘКК мен фермерлер арасында тиісті уағдаластықтарға қол жеткізілді. Өнімдер маусымаралық кезеңде ішкі нарықты толықтыруға мүмкіндік береді, сондай-ақ осы кезеңде пияз бағасын тұрақтандырады, деп хабарлайды ҚР Ауыл шаруашылығы министрлігі.
Жәрмеңкеге ерте пісетін сұрыптардан кеш шығатын сұрыптарға дейін пияздың кең ассортиментін ұсынған 60 ауыл шаруашылығы өндірушісі қатысты.
Биыл Жамбыл облысында 24,4 мың га пияз егілді, фермерлер 800 мың тонна көкөніс жинауды жоспарлап отыр, бұл республиканың жыл сайынғы қажеттілігінен 2,5 есе көп.
