Kids Go Free: Қазақстан бойынша турлар аясында 2000-ға жуық бала тегін ұшуды пайдаланды

: 12.01.2024 _ 08:54; Жаңалықтар; ҚР Президенті жанындағы ОКҚ; ҚР Президенті жанындағы ОКҚ

2023 жылдың қорытындысы бойынша 13 туристік компания бағдарлама аясында 920 турды іске асырды, оның шеңберінде 1 975 бала ел ішінде саяхатқа тегін ұшу мүмкіндігін пайдаланды. Өтеу сомасы 90 млн теңгені құрады. Балалар авиабилеттерінің құнын шегергендегі сатылған турлардың құны 458 млн теңгені құрады, деп хабарлайды ҚР Туризм және спорт министрлігі.

Ең көп таралған бағыт – «Алакөл», барлығы 637 бала тасымалданды, өтемақы сомасы 10,7 млн теңгені құрады.

Екінші орында «Алматы» бағыты, барлығы 561 бала тасымалданды, өтеу сомасы 31,9 млн теңгені құрады.

Үшінші орында Каспий жағалауы, өткен жылы мұнда Kids go Free бағдарламасы аясында 350-ден астам бала демалды, өтемақы сомасы 25,5 млн теңгені құрады.

Анықтама: Kids Go Free бағдарламасы аясында 2022 жылы 373 млн теңге сомасына 692 тур жүзеге асырылған, олар бойынша 1430 бала ұшты, өтемақы сомасы 76,2 млн теңгені құрады.