«Біз қызметімізде әрбір ата-ана баланың сенімділігін, қауіпсіздігі мен әл-ауқатын сезінетін осындай қоғамдық қатынастарды қалыптастырудың айқын көрінісін басшылыққа аламыз. Мұның негізінде азаматтық жауапкершілік пен ата-ананың санасы жатыр. Біздің әрқайсымыз балалардың өсіп-жетілуінің тәрбиелік үдерісіне тап болдық және бүкіл әлемде ата-ана болу, тәрбиелеу мәселесі бірегей болып табылады. Өйткені бұл адам өмірінің бір бөлігі. Біз үздік тәжірибелерді іздестіргенде, адамзаттың әмбебап жадына жүгінеміз, оларды нақты мәдени және әлеуметтік контекстке бейімдейміз және ең алдымен, осы сын-қатерлерді еңсеруге, жеке тұлғаны тәрбиелеуге көмектесеміз», – деді «Сенімен Болашақ» РҚБ бас төрағасы Жансая Бердімұрат Орталық коммуникациялар қызметінің алаңында.

Жыл сайын қоғамдық өрісті талдау негізінде қоғамдық бірлестік мүшелері қазіргі ата-аналардың алдында тұрған негізгі мәселелерді анықтайды және осы қиындықтарды жеңуге көмектесетін тақырыптық бағыттарды қалыптастырады. Ата-аналар да балалар есейген кезеңінде дағдылар мен білімге мұқтаж болады.

2023 жылдың көктемі мен жазында Қазақстанның барлық өңірлерінде әлеуметтік зерттеу жүргізілді. Оның нәтижелері қазақстандық ата-ананың портретін айқындауға мүмкіндік берді. Сауалнамаға 32 755 адам қатысты.

«Ата-аналар арасындағы респонденттердің 90%-дан астамы әйелдер, яғни аналар. Сауалнамаға қатысу ерікті түрде болғанын ескере отырып, қазақстандық белсенді ата-ана – әйел деп айта аламыз. Ата-ананың портреті үш тұрғыдан зерттелді: саналы ата-ана болу құзыреттілігі, баламен уақыт өткізу сапасы, саналы бала тәрбиелеу және оның өміріне қатысу», – деді Жансая Бердімұрат.

Айта кетерлігі, бұл елдік сипаттағы зерттеу жыл сайын өткізіледі және озық әрекет ету үшін трендтер мен өзекті міндеттер өрісі туралы жалпы түсінік береді. Өз зерттеулері мен басқа да қазақстандық зерттеу институттарының мақалалары негізінде «Сенімен Болашақ» РҚБ жұмысты 10 тақырыптық бағытта жүргізеді. Олардың ішінде репродуктивті денсаулық, буллинг пен кибербуллингке қарсы тұру, мектептер мен ата-аналар арасындағы тиімді ынтымақтастық, тұрмыстық зорлық-зомбылықтың алдын алу, суицидтің алдын алу.