СҚО ТЖД бастығының орынбасары Мұрат Қанғожиновтың айтуынша, су тасқыны жағдайына тұрақты мониторинг жүргізіледі. 219 елді мекенді су басу қаупі сақталуда. 102 үйдің 75-і су астында қалды. 360 адам эвакуацияланды, 44 адам үйлеріне қайтарылды.
Сондай-ақ Түркістан, Қарағанды, Алматы, Ұлытау және Павлодар облыстарынан ТЖМ күштері, Қорғаныс министрлігінің бөлімшесі келді. Олар Петропавл қаласында және облыс аудандарында су тасқынына қарсы іс-шараларға қатысады.
Су сору, каналдарды тазарту, қапшықтарды дайындау және төсеу жұмыстары жүргізілуде. Тіршілікті қамтамасыз ету объектілері штаттық режимде жұмыс істейді. Петропавл қаласы, Қызылжар ауданы мен Шал ақын елді мекендерінің айналасындағы қорғаныш үйінділерін нығайту жұмыстары жүргізілуде.
