Су тасқыны басталғалы ағымдағы жағдай туралы ақпарат тарату үшін Орталық коммуникациялар қызметі алаңында Республикалық ақпараттық штаб құрылды. 24/7 режимінде өкілетті органдардың қатысуымен тікелей эфирде әр 2 сағат сайын брифингтер өткізілді. Штабтың тағы да бір мақсаты – шынайы ақпарат тарату. Мемлекеттік органдар ОКҚ алаңында 20 астам жалған ақпаратты жоққа шығарған. Ауыз судың ластануы мен электр станцияларындағы апаттар туралы ақпараттар ең көп тараған.
«Республикалық ақпараттық штабтың жұмыс істеп тұрғанына 30 күннен асты. Осы уақыт ішінде 190 астам брифинг өткізілді. Оған 380 орталық мемлекеттік органдардың және ЖАО өкілдері қатысты. Одан басқа волонтерлер, қоғамдық штабтар мен қоғамдық белсенділер қатысты», - деді ҚР Президенті жанындағы ОКҚ директоры Асқар Омаров «Біз біргеміз» жалпыұлттық телемарафоны барысында.
