Өңдеу өнеркәсібінің әлеуетті жобаларына жәрдемдесу үшін мемлекет тарапынан «Бәйтерек» холдингінің қаржы институттары арқылы қолдау көрсетіледі. Осы мақсатта Өнеркәсіпті дамыту қоры құрылды. Қор түпкілікті қарыз алушы үшін 9%-дан аспайтын мөлшерлеме бойынша өңдеуші өнеркәсіп жобаларын ұзақ мерзімді лизингтік және жеңілдікті қаржыландыру операторы болып табылады. Ал, Қазақстанның Даму Банкі өнеркәсіптік-инновациялық қызмет субъектілеріне 7%-ға дейінгі ставка бойынша кредиттеуді ұсынады.
«Бұдан басқа, QazIndustry орталығы ішкі нарыққа жылжытуға бағытталған өңдеу өнеркәсібі кәсіпорындарының шығындарын өтеу бойынша қаржылық қолдау көрсетіп жатыр. Өнеркәсіп саласындағы қолдау шараларын ұлғайтып, модернизация жасап, құрал-жабдықтарын жаңартып жатқан кәсіпорындарға 40%-ға дейін қолдау көрсету көзделіп жатыр», – деді спикер.
Алдағы уақытта министрлік бұл бағыттағы барлық мәселені өз қадағалауына алып, отандық құрылыс материалдарының өнідірісін дамытуға сүбелі үлесін қоспақ.
