Орташа өнімділігі 15 ц/га болатын 909,3 мың га астық алқабынан 1350 мың тонна астық бастырылды. Өнімділіктің ең жоғары көрсеткіштеріне Абай, Бұқар Жырау, Нұра және Осакаров аудандарының ауыл шаруашылығы өндірушілері қол жеткізді. 11,3 мың га алқаптан 298,7 мың тонна картоп жиналды. Өнімділіктің жоғары нәтижелеріне Нұра, Шет және Осакаров аудандарының фермерлері қол жеткізді.
Сондай-ақ, өңірде 36,2 мың тонна көкөніс және 23,4 мың тонна майлы дақылдар жиналды.
Тұқымдарды толтыру жұмыстары аяқталды, тексеру басталды. Тексеруге 47,9 мың тонна тұқым немесе 43,8% түсті. Әкімдіктер тұқым тапсыру процесін жандандыруы қажет. Облыс фермерлеріне 52,5 мың тонна тыңайтқыш немесе жоспардың 74% жөнелтілді. Фермерлер күзгі тыңайту жұмыстарына шарт жасауды жалғастыруда.
Сондай-ақ, биыл минералды тыңайтқыштарды субсидиялауға бөлінген барлық қаражат толығымен игерілген. Аймақта астық пен картопты сақтауға арналған қоймалар жеткілікті.
Осы жылдың 9 айының қорытындысы бойынша ауыл шаруашылығының жалпы өнімінің нақты көлем индексі 116,7% құрады.
