2024 жылы кешенді қауіпсіздік жүйесі барлық мемлекеттік балабақшалар, мектептерде, сондай-ақ 64 медициналық мекемелерде іске қосылды. Маңызды міндет – сейсмикалық қауіпсіздікті арттыру. Шамамен 11 мың нысанда сейсмоаудит жүргізілді. Жер сілкінісі туралы алдын ала ескертудің автоматтандырылған жүйесін жетілдіру үшін 2025-2026 жылдары қосымша 70 сейсмостанция орнатылады. Бұл туралы Алматы қаласының әкімі Ерболат Досаев ОКҚ алаңында өткен баспасөз конференциясында мәлімдеді.
«Смарт сити» мегаполистің тұрақты дамуын қамтамасыз етудің негізгі бағыттарының бірі. 2022 жылы Қазақстанда алғаш рет Алматы қаласының бірыңғай видеомониторинг жүйесі іске қосылды. Бүгінгі таңда оған 50 мың видеокамера қосылған. Келесі жылы видеокамералар санын 70 мыңға дейін жеткіземіз. 2030 жылға дейін 100 мыңға жетеді», – деді қала басшысы.
Табиғи тәуекелдерді азайту мақсатында 1974 жылдан бастап алғаш рет Мохнатка және Горельник тауларында беткейлерді қырқу жүргізілді, 6 мұздақ көлде профилактикалық жұмыстар орындалды, Есентай өзенінің арнасы нығайтылды.
Брифингтерден хабардар болғыңыз келе ме?
Біздің Telegram каналға жазылыңыз!
