2024 жылы жергілікті атқарушы органдар Павлодар, Шығыс Қазақстан, Ақмола облыстарында және Абай облыстарында, биыл СҚО, Қостанай облыстарында бейімдеу және интеграциялау орталықтарын құрды.

Сондай-ақ министрлік шетелге барып жұмыс істеуге ниетті қазақстандықтарды қорғау шараларын қолға алды. 

«Қазақстаннан келген еңбекші көшіп-қонушылардың еңбек және әлеуметтік құқықтарын қамтамасыз ету үшін Сауд Арабиясымен, БАӘ, Оңтүстік Кореямен келісімдер жасасу жұмыстары жалғасуда. Олар аталған елдердегі Қазақстан азаматтарының еңбек қызметі мәселелерін реттейді. Бүгінде Қазақстан Республикасының Үкіметі мен Катар Мемлекетінің Үкіметі арасындағы Қазақстан Республикасынан жұмыскерлерді Катар Мемлекетіне жұмысқа орналастыруды реттеу туралы келісімді ратификациялау бойынша жұмыс жүргізілуде», – деді спикер.

Ағымдағы жылғы 11 ақпанда ҚР Еңбек және халықты әлеуметтік қорғау министрлігі мен Ұлыбритания және Солтүстік Ирландия Құрама Корольдігінің Қанауға және еңбек заңнамасының бұзылуына қарсы іс-қимыл қызметі арасында ынтымақтастық туралы меморандумға қол қойылды. Меморандум Ұлыбритания аумағында Қазақстан Республикасының азаматтарын уақытша жұмысқа орналастыру шарттары мен рәсімдері туралы ақпарат алмасуды көздейді. Бұған қоса, Қазақстан азаматтарының шетелдегі еңбек қызметін ұйымдастыру бөлігінде жұмыспен қамтудың жекеше агенттіктерінің қызметін реттеу тетіктері қайта қаралуда.

«Алматы, Шығыс Қазақстан және Түркістан облыстарында қазақстандықтарды көшпелі оқытуға дейінгі орталықтар құрылды. Олардың негізгі міндеті – тілдік курстардан өту, шетелде жұмысқа орналасқысы келетін кандидаттардың кәсіби біліктілігін арттыру. Министрлікке жұмыспен қамтудың жекеше агентігінің заңнама талаптарына сәйкестігі тұрғысынан мемлекеттік бақылауды жүзеге асыру жөніндегі құзыретті беру, сондай-ақ Қазақстан азаматтарының шетелдегі еңбек қызметін ұйымдастыру жөніндегі жұмыспен қамтудың жекеше агентігі қызметін реттеу қағидаларын әзірлеу жөніндегі құзыретті беру бөлігінде заңнамалық түзетулер қаралды», – деді вице-министр.

Аталған шаралардың барлығы шетелде жұмысқа орналасқысы келетін қазақстандықтардың еңбек құқықтарын қорғауға бағытталған.