«Жыл басынан бері 235 млрд теңгеге 19 инвестициялық жоба іске қосылып, 612 жаңа жұмыс орны құрылды. 2026-2032 жылдары құны 10 трлн теңгеден астам 55 инвестициялық жобаны іске асыру жоспарлануда», – деді өңір басшысы.
«Ақтау теңіз порты» арнайы экономикалық аймағының қызмет ету мерзімі 2053 жылға дейін ұзартылып, аумағы қосымша 7,9 мың га кеңейтілді және 23 жаңа қызмет түрі енгізілді.
«Каспий» әлеуметтік-кәсіпкерлік корпорациясын толыққанды даму институты ретінде трансформация жасалып, жаңа ұйымдық құрылым бекітілді. Жалпы құны 22,1 млрд теңгені құрайтын 8 бірлескен жоба іске асып жатыр.
