Оның айтуынша, мемлекеттік органдармен бірлесіп референдум учаскелерінің барлығына алдын ала тексеру жүргізілген. Техникалық қауіпсіздігі, өрт қауіпсіздігі және терроризмге қарсы қорғанысы мәселелері тексерілді. Барлық учаскелер тәулік бойы бақылауға алынды.
«Маңызды бір жайтты атап өткім келеді. Полиция қызметкерлері дауыс беру залдарында болмайды. Олар тек комиссия төрағасының шақыруымен және қоғамдық тәртіпті бұзылған жағдайда ғана кіре алады», – деп атап өтті спикер.
Қазір елдегі жағдай тұрақты және ішкі істер органдарының толық бақылауында. Қоғамдық тәртіптің бұзылуына жол берілген жоқ. ІІМ азаматтарды заңды сақтауға және қауіпсіздікті қамтамасыз ету бойынша қабылданып жатқан шараларға түсіністікпен қарауға шақырады.
