Спикердің айтуынша, форум бағдарламасында креативті индустрия, білім беру платформалары және технологиялық бағыттар саласындағы халықаралық және қазақстандық сарапшылардың баяндамалары қарастырылған. Форум қатысушылары мәдени менеджмент, продюсерлік, сторителлинг, креативті экономика және мәдени ортаға инновациялық технологияларды енгізу салаларындағы заманауи әлемдік тәжірибелермен танысады.
«Форум кәсіби тәжірибе алмасуға, жаңа тәсілдерді талқылауға және елдің мәдениет саласын дамытуға бағытталған бірлескен жобаларды қалыптастыруға арналған алаң болады. Іс-шара Астананың жетекші мәдени және ведомстволық ұйымдарының базасында ұйымдастырылады», – деді форум режиссері.
Форум аясында қатысушылар мәдениет саласын дамытудың өзекті сын-қатерлері мен перспективаларын талқылап, цифрландыру және жасанды интеллект құралдарын қолдану тәжірибелерін ұсынады. Форум жұмысына бизнес өкілдері мен халықаралық сарапшылар да қатысады. Іс-шара қорытындысы бойынша дайын өңірлік жобалар қалыптастырылып, серіктестік байланыстар кеңейтіліп, мәдениет саласына ЖИ енгізудің жаңа форматтары ұсынылады деп күтілуде.
