ҚР Президенті жанындағы Орталық коммуникациялар қызметінің алаңында халық алдындағы есептік кездесу аясында ҚР Ауыл шаруашылығы министрі Сапархан Омаровтың ақпараты бойынша, мал шаруашылығы секторындағы жалпы өнім көлемі 2019 жылдың қорытындысы бойынша 2,3 трлн. теңгеге дейін өсті.
Ведомство басшысының айтуынша, ауыл шаруашылығы жануарлары басының өсуінде жағымды қарқын байқалады: ІҚМ мен ҰҚМ 2,7%, жылқы 11,5%, шошқа 2,5%, құс 1,6%. Бұл ет өндірісін 5,8% - ға, құс етін 15,8% - ға арттыруға мүмкіндік берді. Бұл ретте сыртқы нарықтардағы сұраныстың төмендеуіне байланысты жұмыртқа өндірісінің 1%-ға аз ғана төмендегені байқалады.
Мемлекеттік қолдаудың арқасында сүтті қайта өңдеу 7% - ға, ал етті қайта өңдеу 8% - ға артты. Бұл ретте сүт зауыттарының жүктелімі 18% - ға, ал ет комбинаттарының жүктелімі 21,6% - ға артты. Анықтама: «ҚазАгро» мал шаруашылығын дамытуға 2019 жылы 156,5 млрд. теңге бөлді. Құны 53 млрд. теңге болатын 82 мың бас ІҚМ және 12,3 млрд. теңгеге 374 мың ҰҚМ әкелуге қаржы бөлінді.
Сондай-ақ құны 19,1 млрд.теңге болатын 16 жаңа инвестициялық жоба қаржыландырылды. 2019 жылы бұрын қаржыландырылған жобаларды ескере отырып, мал шаруашылығы саласында жалпы құны 64,3 млрд. теңгеге 54 инвестициялық жоба іске қосылды.
Ағымдағы жылы 178 мың ІҚМ (соның ішінде ішкі тұқымсыз) және 250 мың ұсақ мал сатып алуды қаржыландыру жоспарлануда, сондай-ақ импортты алмастыру аясында 46 мың тонна сүтті және 30 мың тонна құс етін өндіру бойынша жобаларды іске асыру жоспарланды.
Жалпы, мал басының өсуі арқасында, ағымдағы жылы мал шаруашылығы өндірісінің көлемі артады: ет-1,9-дан 2,1 млн. тоннаға (7%), сүт – 5,8-ден 5,9 млн.тоннаға дейін (2%), жұмыртқа 5,5-5,6 млрд. данаға дейін (1,6%).
