БҰҰДБ бағдарламасы шеңберінде Қазақстанның 17 өңірінде экологиялық орталықтар құру жөніндегі пилоттық жобалар іске қосылады. Бұл туралы Орталық коммуникациялар қызметінде өткен сараптамалық брифингте БҰҰДБ Қазақстан Тұрақты даму және урбанизация бағдарламасының үйлестірушісі Фируз Ибрагимов мәлімдеді.
Оның айтуынша, қазір салалық министрлік, қоғамдық маңызы бар бастамалар қоры, жасыл технологиялар және инвестициялық жобалар орталығы, сондай – ақ экологтар қауымдастығы әріптестерімен бірге экологиялық білім беру жобасы әзірленуде. Оның негізіне БҰҰ даму бағдарламалары іске асырылатын 177 елдің оң және теріс практикалары алынды. АҚШ пен Германияның тәжірибесі экоқұрылым саласында ең көп сұранысқа ие болды.
«Біз мемлекеттік деңгейде енгізілетін экологиялық тәрбие бағдарламаларын енгізу бойынша халықаралық тәжірибені зерттедік. Мысалы, ЕО елдерінде, Германияда, атап айтқанда АҚШ-та. Бізді олардың ғылымды теориямен қалай байланыстыратыны және осы жетістіктерді білім беру жүйесіне қалай жеткізетіні қызықтырды. Табиғатқа ұқыпты қарау мәдениеті тіпті көрші елдерде де жолға қойылған. Өзбекстан, Тәжікстан, Түркіменстанда 2000 жылдардың басында қабылданған арнайы бағдарламалар бар. Экологиялық тәрбие тұрғысынан бір деңгейде болу үшін мектеп жасына дейінгі балалардан бастап ересек ұрпаққа дейін жобаны әзірлейтін боламыз»,- деп атап өтті сарапшы.
Сондай-ақ, осы тақырыпқа бей-жай қарамайтындардың барлығын белсенді ынтымақтастыққа шақырды.
Ибрагимов мектептердегі экологиялық тәрбие бағдарламасы заманауи стандарттар бойынша әзірленетінін атап өтті. Курстардың бір бөлігі алгебра мен географиямен қатар жүреді.
«БҰҰ даму бағдарламасы аясында соңғы 5 жылда 42 Назарбаев Зияткерлік мектебінде «Климаттық қобдишалар» енгізілді. Жоба басқа оқу орындарында да табысты енгізілуде. Біз балаларды табиғатқа ұқыпты қарауға, Жер ресурстарын, су, орман және жайылым ресурстарын тұрақты пайдалануға, білім мен ғылымды мектеп қабырғасынан бастап тәрбиелеуге тәрбиелейміз»,- деп түйіндеді біздің еліміздегі жоба үйлестірушісі.
