Орталық коммуникациялар қызметінде өткен брифингте ТМРА төрағасы Асан Дарбаев ведомствоның салалық мемлекеттік органдармен және әкімдіктермен бірлесіп жергілікті биліктің балансындағы коммуналдық және иесіз желілерге түгендеу жүргізгенін жеткізді. Бұл 10,5 мың шақырымнан астам коммуналдық желілер мен 2 677 нысан, сондай-ақ 3 мың шақырымнан астам иесіз желілер мен 307 нысан.
«Бірқатар өңірлерде желілер табиғи монополиялар субъектілеріне сенімгерлік басқаруға берілді. Тағы төрт мәселе шешілуде. Бұл Павлодар, Қостанай, Жамбыл облыстары мен Шымкенттегі иесіз желілердің 237 км және коммуналдық қызметтердің 84 объектісі. Иесіз және коммуналдық желілерді беру бойынша жұмыстар белгілі бір кестемен одан әрі жалғасатын болады», - деп қорытты ведомство басшысы.
