Лязат Актаева: коронавирусқа тестілеуді қатаң көрсеткіштер бойынша өткізу қажет
100 мың тұрғынға шаққанда өткізілетін тестілер саны бойынша Қазақстан 34-ші орында. Елімізде тәулігіне 7 мың тест өткізіледі. Бұл Аустрия, Канада (тәулігіне 6 мың тест); АҚШ (8 мың тест) елдерімен салыстыруға болады. Бұл туралы Орталық коммуникациялар қызметінің алаңында өткен онлайн-баспасөз мәслихатында Лязат Ақтаева мәлімдеді. Спикер атап өткендей, тестілеу тек клиникалық және эпидемиологиялық көрсеткіштер бойынша жүргізілуі тиіс.
Клиникалық көрсеткіштер бойынша тестілеуге жатады.
- COVID - 19 бар провизорлық және инфекциялық стационарға жатқызылған адамдар;
- ЖРВИ және пневмония бар науқастар;
- COVID - 19 бар, амбулаторлық емделуде және клиникалық хаттамаға сәйкес БМСК медициналық бақылауындағы науқастар.
Эпидемиологиялық көрсеткіштер бойынша тестілеуге жатады:
- науқастармен жақын қарым-қатынаста болған адамдар;
- стационарға жоспарлы емдеуге жатқызу кезіндегі пациенттер;
- шұғыл емдеуге жатқызу кезіндегі пациенттер;
- ҚАЖ мекемелеріне түсетін адамдар (тергеуде, айыпталушылар, сотталғандар);
- медициналық-әлеуметтік мекемелерге жаңадан түсетін адамдар.
Профилактикалық мақсатта тестілеуге жатады:
- Қазақстанға шетелден келетін азаматтар;
- COVID-19 жұқтыру қаупі жоғары медицина қызметкерлері айына 1 рет;
- әскерге шақырылушылар.
Министрдің м.а. Ләззат Ақтаева халыққа қарата айтқан сөзінде клиникалық және эпидемиологиялық айғақтары жоқ азаматтарға ПТР-тестілеуден өту қажеттілігі жоқ екенін мәлімдеді.
