Орталық коммуникациялар қызметінің Түркістан қаласында өткен көшпелі баспасөз-мәслихатында журналист облыс әкімі Өмірзақ Шөкеевке мақта өсіретін шаруалардың мәселесін жеткізді. Олар жыл сайын шығынға тап болады. Өңір басшысы бұл жағдайда мақта бағасының тұрақсыздығымен түсіндірді.
«Мақта бағасы әлемдік деңгейдегі нарыққа байланысты. Оған әкімшілік немесе мемлекет ешқандай ықпал жасай алмайды. Мақтаның алқабын азайту керек, ол азайып келеді де, ал өнімділігін арттыру керек. 25-30 центнер алатын шаруашылықтар шығынға батып жатқан жоқ, керісінше пайда табуда, ал жартысын ғана алатындар басқа дақылға көшуі керек. Қазір түсіндіру жұмыстары жүргізіліп жатыр», - деді Түркістан облысының әкімі өз жауабында.
Оның атап өтуінше, биыл су мәселесі туындамағандықтан мақта түсімі жақсы болды. Қазіргі кезде мақта 150-170 теңгеден сатып алынуда.
«Көршілес Өзбекстан мемлекеті мақтаны шикізат ретінде сатуды тоқтатып, оны өңдеп, кластерлер құруда. Маталар, киім-кешектер жасауда. Соған біз де көшуіміз керек деп ойлаймын», - деді Ө.Шөкеев. Тағы бір тілші бұған не кедергі деп сұрады.
Мақта өсіретін аймақ басшысының айтуынша, кем дегенде 3 себебі бар. Жер, ақша, мемлекеттік қолдау. Экспорттауға ешқандай шектеулер жоқ. Ауыл шаруашылығы министрлігінің бұйрығымен тоқтатылған субсидиялау келіссөздер сатысында.
«Мұндай кластерлер көптеген ілеспе мәселелер туғызуы үшін. Біріншіден, бұл жер мәселесі. Біздің жеріміз, әрине, сатылмайды, тіпті жалға алу құқығының өзі де қолдан-қолға ауыспайды, жер тиімсіз иесінен тиімді иесіне ауыса алмайды. Екіншісі - несиелеу. Тоқыма, тігін компанияларын құру - барлығы өте қуатты мемлекеттік қолдауды қажет етеді, оны қалай жасау керектігі туралы ұсыныстар бар. Менің ойымша, бұл белгілі бір уақытты қажет етеді», - деді Шөкеев.
Сонымен қатар, мың әйел жұмыс орнына арналған қазақстан-өзбек бірлескен тігін кәсіпорнын ашу жоспарларымен бөлісті. Бұл сәтті болған жағдайда Түркістан облысының барлық аудандарында өндірістердің тұтас желісін іске қосатын алғашқы жоба болады.
