Сайлау учаскелерінің көпшілігі өз жұмыстарын аяқтады, комиссиялар дауыстарды санауды бастады. Бірақ полиция қызметкерлері күшейтілген режимде қызмет етуді жалғастыруда. Олар бюллетеньдер мен хаттамалардың жеткізілуін қадағалап отыруы керек. Бұл туралы Орталық коммуникациялар қызметіндегі брифингте ішкі істер министрінің орынбасары Арыстанғани Заппаров хабарлады.
«Қоғамдық тәртіпті сақтаумен қатар, олар бюллетеньдер мен хаттамалардың сақталуын қамтамасыз етуге, оларды аудандық және облыстық комиссияларға жеткізуге жұмылдырылған. Тұтастай алғанда, сайлау кезеңінде елеусіз инциденттерді қоспағанда, елеулі құқық бұзушылықтар тіркелген жоқ, олардың шамамен 70 фактісі бар. Мысалы, әртүрлі қалалардағы комиссия төрағаларының актілері бойынша санитарлық шектеулерді бұзғаны үшін (ПТР тестілерінің болмауы), комиссиялардың жұмысына және сайлау учаскелерінде болу ережелеріне кедергі келтіргені үшін 10 бақылаушы мәжбүрлі түрде шығарылды», - деп хабарлады ведомство өкілі.
Ол атап өткендей, құқықтық тәртіпті қамтамасыз етуге 40 мыңға жуық тәртіп сақшылары жұмылдырылған.
