ҚР Сыбайлас жемқорлыққа қарсы іс-қимыл агенттігі СК Фармацияның сыбайлас жемқорлық тәуекелдерін сыртқы талдау қорытындылары бойынша Бірыңғай дистрибьютор факт бойынша көп миллиардтық бюджетті нақты өндірушілер арасында бөледі деп мәлімдеді. Бағаны төмендетуге және сапаны арттыруға мүдделі емес ірі монополист тауар өндірушілердің пулы қалыптасады. СК Фармация, өз кезегінде, барлық анықталған сыбайлас жемқорлық тәуекелдерін жоятынына сендірді. Қалай? Жауапты Бірыңғай дистрибьютордың басшысы Орталық коммуникациялар қызметінде өткен брифингте жария етті. Ерхат Есқалиевтің айтуынша, олар сыбайлас жемқорлыққа қарсы іс-қимыл агенттігімен бірлесіп жұмыс істеп, олқылықтарды жою бойынша шаралар қабылдауда.
«Біз тиісті сыртқы аудит жүргіздік. Агенттікпен аудитті іске асырудағы өзара іс-қимылдың тиісті жоспарына қол қойылды. Отандық тауар өндірушілермен ұзақ мерзімді шарттар бойынша шешімді тікелей қабылдауды ведомствоаралық комиссия жүргізеді. Біз тиісті талдау жүргіздік және қайта жүктеу бағдарламасы аясында таңдау кезінде критерийлерді бағалау мәселесін талқылай бастадық. Экспорт, локализация, технологияны бақылау бойынша критерийлер болған жоқ. Бүгін біз қауымдастықтармен осы мәселені қарастыруды аяқтаймыз және тиісті НҚА енгіземіз», -деп жауап берді спикер.
Ол сондай-ақ, құрамына агенттік өкілдері кірген топ осы келісімшарттарды бақылау бойынша мониторинг жүргізетінін атап өтті. Бәрі ашық жасалады. Қосымша сигналдар болған жағдайда қажетті шаралар қабылданады.
