Агроөнеркәсіптік кешен саласында «Қарапайым заттар экономикасы» шеңберінде биыл қуаты жылына 20 мың тонна өнім шығаратын ет өңдеу кешені іске қосылады. Бұл туралы аймақ басшысы Архимед Мұхамбетов Орталық коммуникациялар қызметінде өткен брифингте мәлімдеді.
«Арқалықта «Торғай ЕТ» ет өңдеу зауытының негізгі шикізат жеткізушілері 5000 бас ірі қара малға арналған бордақылау алаңы және 2500 басқа арналған асыл тұқымды репродуктор салынып жатыр. Қарабалық ауданында «Poultry Agro» жауапкершілігі шектеулі серіктестігі қуаты 12,5 мың тонна құс етін құрайтын бройлер құс фабрикасын ұйымдастыру бойынша жобаны іске асыруда, бұл облысқа өнім импортын айтарлықтай төмендетуге мүмкіндік береді», - деді спикер.
Жаңартылатын энергия көздері саласында Қостанай ауданында «Жел Электрик» жауапкершілігі шектеулі серіктестігі қуаты 50 МВт «Ыбырай» жел электр станциясының құрылысын жалғастыруда. Жоба шеңберінде 16 жел генераторының құрылысы көзделіп отыр.
