Ішкі істер министрі Ерлан Тұрғымбаевтың айтуынша, Қазақстанда ұрлық жасағаны үшін жауапкершілік күшейтілді. Енді бұл қылмысты қайталап жасау ауыр қылмыс санатына жатады.
Бұл қылмыскердің жәбірленушімен татуласуына және жазадан құтылуына мүмкіндік бермейді. Осының барлығы ұрлық санын 50% -ға (31,7 мыңға дейін) қысқартуға мүмкіндік берді.
Алдын-алу бойынша мынадай шаралар жүргізілді:
-
Мал ұрлығы. Қылмыстық кодекске мал ұрлығы үшін дербес бап енгізілді;
-
Авто бөлшектерді ұрлау. Ішкі сауда ережелеріне өзгерістер енгізілді. Енді бұрын қолданыста болған қосалқы бөлшектер тек мамандандырылған дүкендерде, сауда орындарында міндетті түрде шарт жасаумен, тауарды тапсырған тұлғаны көрсете отырып және бұйымның фотобейнесін қоса бере отырып сатылады;
-
Материалдық құндылықтарды ұрлау – Ұлттық банкпен бірлесіп ломбардтарға арналған ережелер әзірленді, олар ұрланған заттарды қабылдау және сату жағдайларын болдырмайды.
