Бағаны мемлекеттік реттеу ережелерін бұзғаны үшін айыппұл немесе фармацевтикалық қызметке лицензияның қолданылуын тоқтата тұру түрінде әкімшілік жауапкершілік қарастырылған.

"Дәрі-дәрмектерді бөлшек саудада өткізуге арналған үстеме баға құны 500 теңгеден аз дәрі-дәрмек үшін 68% - дан бастап, бағасы 100 000 теңгеден асатын дәрі-дәрмек үшін 10% - ға дейін өзгереді. Көтерме саудада сату үшін үстеме баға көлемі 21-ден 10 пайызға дейін өзгереді", - деді денсаулық сақтау министрлігі Фармация комитетінің төрайымы Людмила Бюрабекова ОКҚ баспасөз мәслихатында.

Оның айтуынша, жыл сайын Дәрілік заттарды сараптау ұлттық орталығы ҚР әкелінетін және шығарылатын дәрілік препараттардың қауіпсіздігі мен сапасына шамамен 63 мыңға жуық қорытынды береді.

"2018 жылы барлығы 6,5 мыңнан астам дәрілік заттар мен медициналық бұйымдардың сараптамасы жүргізілді, бұл 2017 жылмен салыстырғанда 18% - ға артық. Жүргізілген сараптамалардың жалпы санынан 3% (176) – тіркеуден бас тартты, яғни сапасыз дәрі-дәрмектер мен медициналық бұйымдар Қазақстан нарығына жіберілмеді", - деді Людмила Бюрабекова.

Айта кетсек, 2018 жылы бұл санат бойынша бас тарту саны 1% - ды, яғни, 863 препаратты құраған.

Сонымен қатар, ол дәрі-дәрмектердің жанама әсерлерін мониторингілеу бойынша жүргізіліп жатқан жұмыстар туралы да айтып берді. 2018 жылы Қазақстанда дәрілік заттардың жанама әсері туралы 3200 хабарлама, ал 2019 жылдың алғашқы екі айында 398 өтініш тіркелді. Олардың ішінен кейбір медициналық препараттар уақытша немесе толық айналымнан алынды.

Барлық брифингтер туралы білгіңіз келеді ме?
Бізге жазылыңыз канал в Telegram!