Бұл туралы аймақ басшысы Оңдасын Оразалин Өңірлік коммуникациялар қызметінде өткен брифингте мәлімдеді. Спикердің айтуынша, өңірде 573 дәріхана бар, 15 ірі компания дәрі-дәрмектермен қамтамасыз етіп отыр. Тауарлар мен көрсетілетін қызметтердің сапасы мен қауіпсіздігін бақылау департаменті дәрілік заттардың 41 түріне мониторинг жүргізеді.

«Дәріхана желісінің айналымын толықтыру үшін Ресейден, Үндістаннан дәрі-дәрмектің 16 түрін қосымша сатып алу үшін 500 млн теңге бөлінді. Дәріханалар дәрілермен күн сайын толығып отыр, бірақ сұраныстың жоғары болуына байланысты тез азаюда. Соған сәйкес импорттық дәрі-дәрмектерді жеткізу үшін Орынбор қаласындағы облыстық дәріхана қоймасымен қосымша келісімшартқа қол қойылды. Осыған байланысты провизорлық стационарларға аса сұранысқа ие он дәрілік зат жеткізілуде. Бұл қосымша 20 күндік дәрі-дәрмек қорымен қамтамасыз етуге мүмкіндік берді», - деді облыс әкімі.

Айта кетейік, маусым-шілде айларында облысқа қызу түсіретін дәрілердің 14, түрлі антибиотиктердің 23, вирусқа қарсы дәрілердің 5 түрі жеткізілді.