Сарапшы дәрігерлер ПТР-тестілеуден тағайындалусыз өтудің қажеті жоқтығын айтты
ПТР-ға тестілеуге тағайындауды дәрігер немесе эпидемиолог беруі тиіс. Бұл туралы ҚР Президенті жанындағы Орталық коммуникациялар қызметінің алаңында өткен онлайн-баспасөз конференциясы барысында сарапшы ретінде сөз сөйлеген Денсаулық сақтау министрінің зертханалық қызмет жөніндегі кеңесшісі Жанар Сүлейменова еске салды.
Сарапшы ЖРВИ жеңіл симптомдары (38-ге дейін шамалы дене қызуы, әлсіздік) пайда болған жағдайда үйден шықпауды және өз емханасына телефон арқылы хабарласуды ұсынды. ЖРВИ-ның айқын симптомдары кезінде (температура 38-ден жоғары, тыныс алудың қиындауы, жөтел және т.б.) жедел жәрдем шақырыңыз.
«Қазір аурудың өршуі бар, сәйкесінше, көптеген қала тұрғындары қандай да бір симптомдарсыз өз бетінше тестіленеді. Аурудың симптомдарынсыз біз ПТР-тестілеуден өтуді ұсынбаймыз, сондықтан сараптама тапсырғаннан кейін 30 минуттан кейін сіз инфекцияны жұқтырмайтыныңызға кепілдік жоқ», - деп атап өтті Ж.Сүлейменова.
Оның айтуынша, тестілеуге бірінші кезекте дер кезінде диагноз қою және емдеуді бастау үшін және жағдайдың ауырлығын жіберіп алмау үшін ауру белгілері бар адамдар қажет.
