Президент жанындағы Қазақстан стратегиялық зерттеулер институтының директоры Зарема Шаукенова Нұрсұлтан Назарбаевтың тұрақты түрде жоғары рейтингтерге ие болуы, көптеген жылдар бойы халықтың кең қолдауына, сондай-ақ жүргізіліп жатқан саясаттың тиімділігіне байланысты деп есептейді. Сарапшы мұндай пікірді «Нұрсұлтан Назарбаев – жауапты көшбасшылық: сабақтастық және эволюция» атты халықаралық конференция аясында жариялады.
«Нұрсұлтан Назарбаевтың жоғары рейтингтері көптеген жылдар бойы қазақстандықтардың Елбасының саяси басшылығымен жүзеге асырылып жатқан ел дамуының үлгісін қолдауына ие болды. Бұл жағдай 2004 жылдан бастап Қазақстан қатысатын «Еуразиялық мониторинг» еларалық зерттеу шеңберінде атап өтілді. Бұл зерттеуге барлығы 13 посткеңестік ел қатысады. Мәселен, 2005 жылдың мамырында «Еуразиялық мониторинг» Президент Назарбаевтың халыққа қолдау көрсету көрсеткіші – 89%-ды құрағанын тіркеді. 2007 жылы Президентті қолдау деңгейі 91%-ға жетті. Бұл зерттеуге қатысушы елдердің барлық президенттері арасындағы ең жоғары рейтингтер болды», - деді Зарема Шаукенова.
Оның айтуынша, Президент жұмысының барысында Нұрсұлтан Назарбаевтың әлеуметтік және нақты рейтингтері қазақстандықтардың басым көпшілігінде экономикалық және саяси салаларда елдің үйлесімді дамуын қамтамасыз ете алатын күшті тұлғаға деген қажеттіліктің жоғары екенін көрсетеді.
Бүгін, 2020 жылғы 2 шілдеде Нұр-Сұлтан қаласында Қазақстан Республикасының Ұлттық академиялық кітапханасында "Нұрсұлтан Назарбаев. Жауапты көшбасшылық: сабақтастық және эволюция".
Ұйымдастырушылар: Қазақстан Республикасы Президенті жанындағы Қазақстан стратегиялық зерттеулер институты және Қазақстан Республикасы Президенті жанындағы Орталық коммуникациялар қызметі.
