«Pfizer вакциналары 12 жастан асқан балаларды вакцинациялау үшін қолданылады. Сондықтан қазір балаларды вакцинациялау мүмкіндігін қарастырып жатырмыз, өйткені Қазақстанда 12-18 жас аралығындағы балалар саны 2 млн-ға жуық. Бұл өте үлкен көрсеткіш, ал «дельта» штаммының таралуын, инфекция клиникасының өзгеруін, тез берілуін ескерсек, балалар жиі ауырады деп айта аламыз. Енді алдымызда тек ересектерді ғана емес, балаларды да қорғау міндеті тұр. Бірақ балаларды вакцинациялау олардың ата-аналарының, қамқоршыларының немесе ресми өкілдерінің рұқсатымен ғана жүргізіледі», - деп сендірді Денсаулық сақтау министрлігінің өкілі.