«Әлем мұғалімі» жаһандық сыйлығы – бұл 1 миллион долларлық жүлде қоры бар Нобель сыйлығының аналогы. 2019 жылы қоғамдық маңызы бар бастамаларды дамыту қорының құрылтайшысы Әлия Назарбаеваның бастамасымен жаһандық сыйлықтың ұйымдастырушыларымен меморандумға қол қойылды, оның аясында «Қазақстан мұғалімі» ұлттық жобасы ұсынылды.
Жобаның мақсаты - педагогтар еңбегінің беделін, мәртебесін арттыру, сондай-ақ жаһандық деңгейге шығару.
«Біздің ұстаздарымыз әлемдік сыйлықтарға, әлемдік деңгейде танылуға лайықты деп санаймыз. «Қазақстан мұғалімі» ұлттық сыйлығы үшінші маусым бойы өткізіліп отыр. Мұғалімдерден өтінімдерді қабылдау сәуір айынан 15 тамызға дейін жалғасады. Әрбір мұғалім осы жобаға өз бетінше қатыса алады, өз өтінімдерін мектеп әкімшілігінің шешімінсіз немесе қатысуынсыз, бөлім немесе білім басқармасы немесе Білім министрлігі тарапынан берілген ұсынымдарсыз бере алады. Яғни, әр мұғалім тең жағдайда қатыса алады, онда негізгі басымдық мектепте ғана емес, сондай-ақ оның халықтың қоғамдық-әлеуметтік өміріне қатысуы да болып табылады.
Тәуелсіз судьялар Академиясының көмегімен топ-50 мұғалім іріктеліп алынады, содан кейін 10 финалист анықталады, олар 24 қыркүйекте Алматы қаласында өтетін сыйлықпен марапаттау рәсіміне шақырылады. Жеңімпаздар мен 10 финалист «Әлем мұғалімі 2022» жаһандық сыйлығының номинанттары атанады», - деді спикер.
Амбассадор және «Қазақстан мұғалімі» ұлттық сыйлығының жеңімпазы Қор құрылтайшысынан 10 мың $ көлемінде сыйлық алады. Қалған 9 финалистке бағалы сыйлықтар табысталады.
Алғаш рет ұлттық жобаға «Болашақ мұғалімі» жобасы да енгізілді. Еліміздің 10 ЖОО-нан педагогикалық мамандықтар бойынша топ 100 студент анықталды, олар алдағы жылы дипломдарын алады. 10 финалист «Қазақстан мұғалімі» сыйлығының марапаттау салтанатына қатысады.
