Республикалық бюджетті нақтылау қорытындысы бойынша тағы 23 млрд теңге бөлінеді деп күтілуде. Орталық коммуникациялар қызметінің көшпелі брифингі барысында өңір басшысы Ермек Маржықпаев осындай мәліметтермен бөлісті.
«Үкіметтің қолдауының арқасында жол желілерін жыл сайын жақсартуға мүмкіндігіміз бар. Мысалы, 2016 жылы 162 км салынып, жөнделген болса, өткен жылы бұл көрсеткіш 790 км құрады, өсім 4 есеге жуық. Нәтижесінде, жақсы және қанағаттанарлық жағдайдағы жергілікті маңызы бар автожолдардың үлесі - 87%-ға жетеді. Осылайша, осы уақыт ішінде біз жол құрылысында айтарлықтай ілгеріледік», - деді спикер.