«2021 жылы 25 мектеп пайдалануға берілсе, 2022 жылы 34 мектептің құрылысы жүргізілуде, 11 703 орындық 24 мектеп пайдалануға берілетін болады. Нәтижесінде үш ауысымды мектептер саны 9-дан 5-ке дейін, ыңғайластырылған мектеп саны 4-тен 3-ке дейін азаяды. 2023 жылы қалада үш ауысымды мектеп мәселесі толығымен шешіледі. Мемлекет басшысы 2022 жылды «Балалар жылы» деп жариялаған болатын. Осыған орай, арнайы іс-шаралар жоспары бекітіліп, бұл бағытта 44,6 млрд теңге қаралды. Іс-шаралардың ішінде осы жылдан бастап барлық бастауыш сынып оқушылары – 103 мыңнан астам оқушы, көп жылдан бері алғаш рет тегін ыстық тамақпен қамтылды», - деді қала әкімі.
Сонымен қатар қалада заманауи 500 орындық оқушылар сарайының құрылысы жүргізіп жатыр.