Биылғы бес айдың қорытындысы бойынша республика өңірлерінің бөлінісінде облыс әлеуметтік-экономикалық дамудың маңызды индикаторларын орындау жөнінде бірінші орында келеді. 
«Осы жылдың қаңтар-мамыр айларында барлық негізгі әлеуметтік-экономикалық көрсеткіштер бойынша орындауға қол жеткізілді. Өнеркәсіп өндірісінің индексі 109%, ауыл шаруашылығы – 100,5%, негізгі капиталға инвестициялар – 127% , құрылыс жұмыстары – 136% құрады. Пайдалануға берілген тұрғын үй көлемі 1,5%-ға өсті. Биыл мамыр айында тұтыну бағаларының индексі 108,2%-ды, оның ішінде азық-түлік тауарлары бойынша - 112,5%-ды құрады», - деді облыс әкімі. 
Сонымен  қатар 8 мыңнан астам жаңа жұмыс орны құрылды, оның ішінде тұрақты жұмыс орындары 5 мыңға жуық. Жұмыссыздық деңгейі – 4,8%. Бірінші кезекте қажетті тауарлардың бағасы тұрақты бақылауда.